Android estas operaciumo konstruita surbaze de la linuksa kerno kaj pensita por porteblaj tuŝekranaj aparatoj kiel plurfunkciaj telefonoj kaj tabuletoj. Ĝi estas disponebla ekde 2008, kiam oni ekvendis la unuan telefonon kun Android. Nuntempe temas pri la plej uzata portebla operaciumo en la tuta mondo.
La fontteksto de Android estas alirebla sub liberprogramara licenco. La plejmulto el la kodo estas disponebla konkrete sub la licenco Apache License 2.0, kaj la cetera sub GPL 2. Malgraŭ tio, Google Play ne malpermesas neliberan programaron. Konsekvence, miloj da aplikaĵoj instaleblaj kaj utiligeblaj de la androidaj uzuloj havas nenian rilaton al libera programaro. Aliflanke multaj el la fabrikantoj kies aparatoj uzas Androidon havigas neliberajn pelilojn kies malĉeesto malebligus la funkciadon de la operaciumo sur tiuj telefonoj aŭ tabuletoj.
Android estas sendube la plej sukcesa linuksa sistemo. Krom tio ke ĝi funkcias en preskaŭ ĉiuj aparatoj ekzistantaj, unu el la kialoj de tiu sukceso estas ĝia granda simpleco. La uzuloj apenaŭ devas havi komputikajn sciojn por uzi tiun sistemon. Ĝia simpleco estas tre granda kompare kun aliaj linukso-bazitaj operaciumoj ke la plej granda parto de ĝiaj uzuloj eĉ ne scias ke la kerno estas linukso. Tio estas la revo de multaj linuksaj amantoj. Sed ĝuste pro tiu trajto garantianta tiel grandan sukceson la sistemo suferas multajn el la samaj malbonoj de fermitaj sistemoj kiel Vindozo:
